ດອກໄມ້ ພຽງດອກດຽວ….ເຮັດໃຫ້ ນ້ອງເສຍໃຈ
ຫຼາຍຄົນບອກວ່າ ດອກໄມ້ ເປັນສັນຍາລັັກ ຂອງຄວາມຮັັກ…ໂດຍສະເພາະແມ່ນ ດອກກຸຫຼາບສີແດງ …ໄວໜຸ່ມນິຍົມໃຊ້ ມອບດອກກຸຫຼາບໃຫ້ກັນຍ້ອນເຊື່ອວ່າ ນັ້ນເປັນຕົວແທນ ຂອງຄວາມຮັກ, ກໍ່ບໍເຂົ້າໃຈວ່າ ນີ້ແມ່ນ ວັດທະນາທໍາດັ້ງເດີມ ຂອງ ຜູ້ບ່າວຜູ້ສາວລາວຫຼືບໍ່ ?
ດອກໄມ້ ເປັນສັນຍາລັກຂອງການເລີ່ມຕົ້ນຄວາມຮັກ ແຕ່ກໍ່ມັກເຮັດໃຫ້ຄວາມຮັກລົງທ້າຍດ້ວຍຄວາມຜິດຫວັງ ໄດ້ເຊັ່ນກັນ… ການເລີ່ມຕົ້ນຄວາມຮັກ ດ້ວຍການມອບດອກໄມ້ໃຫ້ກັນ ໂດຍສະເພາະ ແມ່ນໃນວາລະໂອກາດວັນ “ວາເລນທາຍ ວັນແຫ່ງຄວາມຮັກ” ຈະເຮັດໃຫ້ ການເລີ່ມຕົ້ນຄວາມຮັກມີຄວາມໝາຍເລິກເຊິງຂຶ້ນຕື່ມ …ຜູ້ສາວຜູ້ບ່າວຫຼາຍຄົນ ເຖີງຈະແອບຮັກກັນມາຫຼາຍເດືອນ, ບໍ່ບອກໃຫ້ກັນ ຍ້ອນອົດກັ້ນມາເປີດເຜີຍ ຄວາມຮັກດ້ວຍການມອບດອກໄມ້ໃນວັນວາເລນທາຍ
ດອກກຸຫຼາບຖ້າເປັນສີເລືອດນົກ ກໍ່ຍີ່ງມີຄວາມໝາຍ ຂື້ນຕື່ມອີກ … ມີບົດນີຍາຍອໍາມະຕະ ຄວາມຮັກ ຂອງ ທ່ານ ອໍສະກາ ວາຍ, ທີ່ຂຽນ ກ່ຽວກັບນົກນ້ອຍທີ່ເອົາຫົວໃຈສຽບ ໃສ່ໜາມດອກກຸຫຼາບຂາວ… ເລືອດຂອງນົກນ້ອຍໄດ້ໄຫຼ ເຂົ້າໄປໃນ ດອກກຸຫຼາບ ຈົນເຮັດໃຫ້ ດອກກຸຫຼາບຂາວກາຍເປັນສີແດງຂອງເລືອດນົກ …ສຸດທ້າຍນົກນ້ອຍຕົວນັ້ນກໍ່ຕາຍ …ຈາກນີຍາຍເລື່ອງ “ນົກນ້ອຍ ແລະ ດອກກຸຫຼາບ” ຈື່ງມີຄວາມເຊື່ອກັນວ່າ ດອກກຸຫຼາບສີແດງເລືອດນົກແມ່ນໄດ້ມາຈາກ ຊີວິດຂອງນົກນ້ອຍຕົວໜື່ງ ທີ່ສະລະ ຊີວິດຂອງຕົນເອງ ເພື່ອ ຄວາມຮັກຂອງມະນຸດ
ດັ່ງນັ້ນ ການມອບ ດອກກຸຫຼາບສີແດງເລືອດນົກ ໃຫ້ກັບຄົນຮັກ ແມ່ນໝາຍເຖີງການ ມອບຊີວິດຂອງນົກນ້ອຍຕົວໜື່ງທີ່ສະລະຊີວິດເພື່ອໃຫ້ໂລກນີ້ມີດອກກຸຫຼາບສີແດງ …ຜູ້ບ່າວຜູ້ສາວໃນປະເທດແຖບເອີຣົບ ຜູ້ທີ່ຮູ້ເລື່ອງນິຍາຍ ເລື່ອງນົກນ້ອຍ ແລະດອກກຸຫຼາບ … ເຂົາຈະຖືດອກໄມ້ສິແດງເລືອດນົກມີຄວາມສໍາຄັນທີ່ສຸດ ຕໍ່ສັນຍາລັກແຫ່ງຄວາມຮັກ …ເຖີງຈະບໍ່ແມ່ນຄວາມຮັກແບບຜູ້ສາວຜູ້ບ່າວ ແຕ່ເຂົາ ກໍ່ຮັບດອກໄມ້ ສີເລືອດນົກໄວ້ ເພາະ ນັ້ນແມ່ນ ຄວາມຮັກທີ່ນົກນ້ອຍ ຖະຫວາຍຊີວິດ ໃຫ້ກັບຄວາມຮັກຂອງມະນຸດ
..ຜູ້ຂຽນ ຈື່ງມີຄວາມສະເທືອນໃຈກັບ ຄົນທີ່ມັກເອົາດອກກຸຫຼາບມອບໃຫ້ກັນ ເພື່ອຫຼອກລວງກັນ .
ກໍລະນີດຽວກັບເລື່ອງ ຂອງນ້ອງ M ອາຍຸ 21ປີ, ນ້ອງບອກວ່າ ດີໃຈທີ່ສຸດໃນຊີວິດເມື່ອໄດ້ຮັບ ດອກກຸຫຼາບຈາກຜູ້ຊາຍຄົນໜື່ງ ໃນວັນເວເລັນທາຍ …ຈາກມື້ນັ້ນມາ ຜູ້ຊາຍເອົາຄົນນັ້ນກໍ່ເອົາໃຈໝົດທຸກຢ່າງ ..ແຕ່ມາຮູ້ຕາມຫຼັງວ່າ ເຂົາມີແຟນແລ້ວ …ແລະ ຮູ້ວ່າ ເລື່ອງທັງໝົດນັ້ນ ແມ່ນຜູ້ຊາຍຄົນນີ້ ສະແດງລະຄອນເພື່ອຫຼອກລວງ
ນ້ອງ M ຮູ້ສືກເຈັບແສບໃນຫົວໃຈ ທີ່ສຸດ ເພາະເຫັນໜ້າຜູ້ຊາຍຄົນນີ້ທຸກໆມື້ ຍ້ອນຮຽນຢູ່ຫ້ອງດຽວກັນ
ຜູ້ຊາຍບາງຄົນ ຕ້ອງຍອມຮັບວ່າ ເປັນນັກຫຼອກລວງຜູ້ຍີງແບບມືອາຊີບແທ້ ໆ , ດັ່ງນັ້ນ ເຮົາເປັນຜູ້ຍີງ ທີ່ມີປະສົບການຍັງໜ້ອຍຕ້ອງໄດ້ລະວັງ ..ການເລີ່ມຕົ້ນດ້ວຍດອກໄມ້ງາມ ໃນໂອກາດ ອັນດີໆ ທາມກາງສາຍຕາຫຼາຍຄົນ ໂດຍທີ່ເຂົາບໍ່ຮູ້ສືກອາຍ…ເຮົາມັກຈະຄຶດວ່າ ຜູ້ຊາຍຄົນນັ້ນ ຄືຈະຈິງໃຈ ແທ້ໆ ຖ້າບໍ່ຈິງໃຈ ເຂົາຄົງບໍ່ສະແດງອອກ ຕໍ່ໜ້າຫຼາຍຄົນຄືແນວນັ້ນ
…ດອກໄມ້ພຽງດອກດຽວ ເຮັດໃຫ້ນ້ອງພູມໃຈຢ່າງສຸດຊີວິດ( ອາດຈະເປັນດອກໄມ້ທໍາອິດ ທີ່ນ້ອງໄດ່້ຮັບຈາກຜູ້ຊາຍ?) ແຕ່ ສຸດທ້າຍ ກໍ່ເຮັດໃຫ້ນ້ອງເສຍໃຈ ຢ່າງສຸດຊີວິດ …ຖ້ານີຍາຍນົກນ້ອຍມີຄວາມຈິງ ຜູ້ທີ່ຈະເຈັບປວດຫຼາຍກວ່າ ແມ່ນນົກນ້ອຍຕົວນັ້ນລະ !!!…
ດອກໄມ້ ແລະ ວັນວາເລັນທາຍ,ຖ້ານ້ອງເບີ່ງໃຫ້ເລີກໆ ມັນເປັນພຽງຮູບການ ທີ່ເກີດຈາກໂອກາດ ແລະ ວັດຖຸປະສົງ ທີ່ສາມາດປົກປິດຄວາມຈິງບາງຢ່າງໄດ້,ບາງເທື່ອມັນກໍ່ມີອໍານາດຈົນເຮົາບໍ່ສາມາດມືນຕາເຫັນຄວາມເປັນຈິງ..ດັ່ງນັ້ນ ເຮົາບໍ່ຄວນຕັດສີນໃຈ ຕໍ່ຮູບການທີ່ສ້າງຂື້ນ ໄວເກີນໄປ ນ້ອງເອີຍ !!!
ເອົາລະ ຊີວິດໄດ້ຜິດພາດໄປແລ້ວ !!! ກໍ່ໃຫ້ມັນຜ່ານໄປ ໃນອະດີດ ສີ່ງສໍາຄັນ ຄືອະນາຄົດ ຖ້າພົບກໍລະນີແບບດຽວນີ້ອີກໃນອະນາຄົດ…ນ້ອງຕ້ອງໄດ້ລະວັງ ແລະ ຂໍໃຫ້ນ້ອງຊ່ວຍໆເຕືອນຜູ້ຍິງຄົນອື່ນດວ້ຍ
ໂດຍສະເພາະ ຜູ້ຍີງທີ່ຍັງມີປະສົບການໜ້ອຍ
ສະບັບໜ້າພົບກັນໃໝ່ ເນາະ !!
