ແຟນຂອງໝູ່ ລັກຮັກນ້ອງ
ມັນເປັນເລື່ອງທໍາມະດາ… ຄວາມຮັກ ມັນມັກຈະດໍາເນີນ ໄປດ້ວຍຄວາມໄຂວ່ເຂ, ສະຫຼັບ ສັບປ່ຽນ, ຜູ້ທີ່ເຮົາຮັກໄປຮັກຄົນ ອື່ນ ແລະ ຜູ້ທີ່ ເຮົາບໍ່ຮັກ ກັບ ມາສົນໃຈເຮົາ… ຫຼື ຜົວຄົນອື່ນ ມາສົນໃຈເຮົາ… ( ວ້າວ ! ຂຶ້ນ ຕົ້ນງິ້ວ)
ນ້ອງ “K” ນາມສົມມຸດ, ເປັນສາວມາຈາກຕ່າງແຂວງ ອາຍຸ 19 ປີ, ອາໄສຢູ່ຫໍພັກ ເພື່ອຮຽນ ວິຊາຊີບກັບໝູ່ຄົນໜຶ່ງ, ມີບັນຫາ ບັນຫາທີ່ໜັກຫົວເພາະແຟນຂອງ ໝູ່ທີ່ນອນໃນຫ້ອງດຽວກັນ ລັກ ຮັກ ນ້ອງ “ K ” ມາດົນ, ຕັ້ງແຕ່ ເຂົາ ເລີ່ມຮູ້ຈັກກັບ ໝູ່ຂອງ ນ້ອງ“K” ນ້ອງ“ K ” ບອກວ່າແຟນຂອງ ໝູ່ ພະຍາຍາມ ໃກ້ຊິດ ນ້ອງ“K” ແລະ ບອກຄວາມໃນໃຈ, ແຕ່ ນ້ອງ“K”ປະຕິເສດ ແລະ ບອກ ກັບຕົນເອງວ່າ “ຈະບໍ່ທໍລະຍົດໝູ່ ເດັດຂາດ” ແຕ່ເຖິງຢ່າງໃດກໍ່ຕາມ ແຟນ ຂອງໝູ່ ກໍ່ບໍ່ລຸດລະຄວາມພະຍາຍາມຊອກໂອກາດທີ່ຈະ “ພະເດັດເສິກ” ໃຫ້ໄດ້… ໃນຄວາມເປັນຈິງແລ້ວ ໝູ່ຂອງນ້ອງ “K” ເປັນຄົນທີ່ຮັກ ຜູ້ຊາຍ ຄົນນີ້ຫຼາຍກວ່າ ແລະ ນ້ອງ “K” ເອງກໍ່ລັກຮູ້ວ່າ ພວກເຂົາມັກ ໄປໃສນໍາກັນສອງຄົນ ແບບລັບໆ ແລະ ກາຍເວລາຂອງ ຫໍພັກ ນ້ອງ “K” ແລະ ໝູ່ ຄົນນັ້ນ ພັກຢູ່ຫໍພັກຫ້ອງດຽວກັນ ດັ່ງນັ້ນ ມັນຈຶ່ງເຮັດໃຫ້ ນ້ອງ “K” ຮູ້ ຄວາມລັບຫຼາຍຢ່າງທີ່ ບໍ່ສາມາດ ຈະເປີດເຜິຍໄດ້, ສິ່ງທີ່ນ້ອງ “K” ລໍາບາກໃຈ ໃນເວລານີ້ ຄື ເຮັດ ແນວໃດ ຈະຫຼີກເວັ້ນຈາກບັນຫານີ້ໄດ້ ?
ຜູ້ຂຽນ ໄດ້ສົນທະນາກັບ ນ້ອງ “K” ໃນເລື່ອງການຊອກ ເສັ້ນທາງ ອອກຈາກບັນຫາ ຄວາມຮັກ ທີ່ຊໍ້າຊ້ອນ ແລະ ມັນຈະເຮັດໃຫ້ ເກີດບັນຫາລະຫວ່າງໝູ່ດ້ວຍກັນ! ຜູ້ຂຽນ ເຄີຍສົນທະນາກັບກຸ່ມໄວໜຸ່ມ ອາຍຸ 20-25 ປີ ທີ່ ເປັນກຸ່ມທີ່ ມີປະສົບປະການໃນເລື່ອງ ຄວາມຮັກ ພວກເຂົາບອກວ່າ ພວກເຂົາເຄີຍມັກຜູ້ຍິງຄົນດຽວ ກັນ ແລະ ເຄີຍຕີກັນຍ້ອນຜູ້ຍິງ ດັ່ງນັ້ນ ມັນຈຶ່ງບໍ່ເປັນເລື່ອງແປກ ທີ່ຜູ້ຍິງຈະສົນໃຈຜູ້ຊາຍຄົນດຽວກັນ ແລະ ຍາດຊິງກັນ, ການ ສະແດງອອກຂອງຜູ້ຍິງ ມັນ ອາດຈະບໍ່ ຮຸນແຮງເທົ່າກັບ ຜູ້ຊາຍ… ແຕ່ໃນຍຸກນີ້ກໍ່ເຫັນ ຜູ້ຍິງຫຼາຍຄູ່ທີ່ຕີກັນ ຍ້ອນຍາດ ຜູ້ຊາຍ, ເພິ່ນເອີ້ນວ່າ “ ເສິກຊິງ ທ້າວ” ນີ້ລະນໍຍຸກສະໄໝໃໝ່ ! ສໍາລັບເລື່ອງຂອງນ້ອງ “K” ເປັນເຫດການທີ່ຄ້າຍຄືກັນຫັ້ນ ລະ! ແລະ ມັນກໍາລັງຈະເກີດ ບັນຫາ ຖ້າໝູ່ນ້ອງຮູ້… ນ້ອງຈະ ອະທິບາຍແນວໃດເພື່ອໃຫ້ໝູ່ ເຂົ້າໃຈ ! ຫຼື ຖ້ານ້ອງມີຄວາມຮັກ ຕອບຄືນ ໃຫ້ກັບຜູ້ຊາຍຄົນນັ້ນ ແລະ ໝູ່ຂອງນ້ອງ ຮູ້ເລື່ອງທັງ ໝົດ ໃນເວລານັ້ນ ມັນອາດ ຈະເກິດ ສົງຄາມໂລກຄັ້ງທີ3 !
ດີລະ! ທີ່ນ້ອງ “K” ບອກວ່າ ບໍ່ເຄີຍສົນໃຈ ແລະ ເຖິງບໍ່ເປັນ ແຟນໝູ່ກໍ່ບໍ່ສົນໃຈຢູ່ແລ້ວ ! ດີ ດີ ແລະ ດີຫຼາຍ ນ້ອງ ເອີຍ ! ແຕ່ຕ້ອງໄດ້ລະວັງ ນ້ອງອາດ ເຜີຕົວ ເສຍທ່າແບບບໍ່ຕັ້ງໃຈ ເພາະໂອກາດສ່ຽງມີສູງ, ຍ້ອນ ນ້ອງຢູ່ຫ້ອງດຽວກັນກັບໝູ່ ນ້ອງ ແລະນ້ອງ “K” ບອກວ່າເຂົາ ມັກເຂົ້າມາຫານ້ອງເລື້ອຍໆ ໃນເວລາທີ່ ໝູ່ຂອງນ້ອງບໍ່ຢູ່ ຕອນນີ້ລະ ມັນຈະເປັນໂອກາດ ທີ່ດີສໍາລັບຜູ້ຊາຍຄົນນີ້ ທີ່ຈະ ເຮັດທຸກສິ່ງທຸກຢ່າງ ເພື່ອ “ຜະເດັດເສິກ” ນ້ອງໃຫ້ໄດ້ …. ເວົ້າເຖິງຄວາມຮັກ ແລະ ຄວາມຕ້ອງການ ນ້ອງປະຕິເສດ ຫຼາຍເທົ່າໃດ ຜູ້ຊາຍ (ຜູ້ມັກຫຼິ້ນ) ຍິ່ງມີຄວາມພະຍາຍາມສູງ ທີ່ຈະຊອກໂອກາດໃຫ້ໄດ້…ຫຼື ຖ້ານ້ອງກ້າຫານພໍ ທີ່ຈະບອກກັບ ໝູ່ຂອງນ້ອງ ກ່ຽວກັບເລື່ອງ ທັງໝົດ ແລະ ບອກກັບຜູ້ຮັບ ຜິດຊອບຫໍພັກ ຫຼືເຈົ້າຂອງເຮຶອນພັກ (ຖ້າເປັນເຮຶອນເຊົ່າ) ຖ້າຮຸນແຮງໄປກວ່ານັ້ນກໍ່ຕ້ອງ ບອກອໍານາດການປົກຄອງ ໂດຍ ສ່ອງໜ້າໝູ່ຂອງນ້ອງເອງ ບໍ່ຮູ້ວ່າໝູ່ຂອງນ້ອງຈະຮັບໄດ້ຫຼື ບໍ່ ? ຕ້ອງໄດ້ສຶກສາເບິ່ງນິໄສ ຂອງໝູ່ນ້ອງວ່າເປັນຄົນ ກວ້າງຂວາງພໍທີ່ຈະຍອມຮັບຄວາມຈິງ ຫຼື ບໍ່ ? ຖ້າພວກເຂົາ ໄດ້ເສຍໃຫ້ ກັບແຟນ ແລ້ວ ມັນກໍ່ເປັນເລື່ອງ ທີ່ຍາກຈະເວົ້າເລື່ອງນີ້ ເພາະໝູ່ຂອງນ້ອງອາດຈະມີຄວາມໝັ້ນ ໃຈກັບຜູ້ຊາຍຄົນນີ້ແບບຮ້ອຍ ສ່ວນຮ້ອຍ ວິທີທີ່ດິທີ່ສຸດ ນ້ອງ “K” ຄວນຍ້າຍອອກຈາກຫ້ອງນັ້ນ ແລະ ຫຼີກເວັ້ນຈາກການ ໄດ້ພົບໜ້າ ແຟນຂອງໝູ່ຂອງ ນ້ອງ ແລະ ດີທີ່ສຸດ ກໍ່ຄື ນ້ອງ ຄວນຈະມີແຟນ (ແຮະໆ) ເພື່ອ ຈະມີ “ມືປືນ” ປ້ອງກັນ ແລະ ເປັນການ ຕັດຂາດການ ມີຊ່ອງ ວ່າງ ບໍ່ໃຫ້ແຟນໝູ່ຂອງນ້ອງ ໄດ້ເຂົ້າມາພົວພັນ ເພິ່ນ ເອີ້ນວ່າ “ໜາມປັກຕ້ອງເອົາໜາມບົ່ງ” ເອົາລະ ! ເອົາລະ ! ຄຶດໄປຫຼາຍ ບັນຫາມັນຍິ່ງຫຼາຍ. ສະບັບໜ້າພໍ້ ກັນໃໝ່ ເນາະ !
