ໜ້າເອິກໃຫຍ່

                                                  ໜ້າເອິກໃຫຍ່

ຈຸດເດັ່ນຈຸດໜື່ງຂອງຜູ້ຍິງ …ບາງຄົນມັກເວົ້າ “ໜ້າເອິກ” ສ່ວນຫຼາຍມັກເວົ້າວ່າ “ນົມ” ຖ້າເວົ້າ “ນົມ” ມັນຈະຊັດເຈນເກີນໄປ ແລະ ມັນຈະມີຫຼາກຫຼາຍຄວາມໝາຍ ເຊິ່ງ ມັນຈະກວມລວມໄປເຖິງ ຕອນຍັງເປັນເດັກນ້ອຍ…ແຕ່ຜູ້ຂຽນກໍ່ຂໍໃສ່ຫົວຂໍ້ແນວນັ້ນໄປກ່ອນເນາະ… ເອົາລະ! ເລື່ອງໜ້າເອິກໃຫຍ່ມັນກ່ຽວກັບເລື່ອງຄວາມຮັກ ແນວໃດ ເຊີນຕິດຕາມອ່ານຕໍ່ໄປເນີ !!! ນ້ອງ X ອາຍຸ  28 ປີ , ເຮັດວຽກ ໃນສະຖານທີ່ແຫ່ງໜື່ງ (ນ້ອງບໍ່ເປີດເຜີຍ )ນ້ອງເຄີຍມີຜູ້ຊາຍຫຼາຍຄົນສົນໃຈ ແຕ່ ກໍ່ ບໍ່ເຖີງຂັ້ນວ່າເປັນແຟນ, ນ້ອງໄດ້ປ່ອຍອາຍຸ ລວ່ງເກີນມາເຖີງ ປານນີ້ ກໍ່ຍັງບໍ່ມີແຟນຄືໝູ່…ປັດຈຸບັນ​ ມີໝູ່ຜູ້ຍິງອາຍຸຮຸ້ນນ້ອງຫຼາຍຄົນ ແນະນໍາໃຫ້ຮູ້ຈັກຜູ້ຊາຍຫຼາຍຄົນ…ຜູ້ຊາຍເຫຼົ່ານັ້ນ​ສ່ວນຫຼາຍແມ່ນມັກເ​ບິ່ງນ້ອງແບບບໍ່ພັບຕາ ແລະຕໍ່ມາກໍ່ຢາກເປັນແຟນ ໂດຍທັນທີ ທັນໃດ  ແຕ່ ນ້ອງບໍ່ສົນໃຈເພາະນ້ອງມັກຄິດເລື້ອຍໆວ່າ ຜູ້ຊາຍຜູ້ທີ່ນ້ອງພົບ ​ສ່ວນຫຼາຍ ແມ່ນອາດມີຄວາມຕ້ອງການແນວອື່ນຫຼາຍກວ່າຄວາມຮັກ…. ໝູ່ຜູ້ຍິງຮຸ້ນນ້ອງຂອງນ້ອງຜູ້ໜື່ງບອກນ້ອງວ່າ “ອິດສາ” ເພາະ ຜູ້ຊາຍຄົນໃດ ກໍ່ສົນໃຈນ້ອງ ທັ້ງໆທີ່ວ່າ ພວກເຂົາອາຍຸນ້ອຍກວ່າ ແລະ ຍັງສາວກວ່າແຕ່ ກໍ່ບໍ່ສູ້ ຜູ້ທີ່ແກ່ກວ່າ … ພວກເຂົາບອກວ່າ ນ້ອງ ມີຊວດຊົງ ໂດດເດັ່ນ ຍ້ອນ ມີໜ້າເອີກໃຫຍ່ວ່າຊັ້ນ ເດ່ !!! ເຊິ່ງ ແມ່ນຈຸດໜື່ງທີ່ດຶງດູດຜູ້ຊາຍ ແລະ ແມ່ນ ຈຸດໜື່ງໃນຮ່າງກາຍທີ່ຜູ້ຍິງຈໍານວນໜຶ່ງຕ້ອງການຢາກມີ ແລະ ໝູ່ຜູ້ຍິງຮຸ້ນນ້ອງຍັງແນະນໍາ ບອກວ່າ ໃຫ້ ນ້ອງໃສ່ ຊຸດທີ່ເຂົ້າກັບຮ່າງກາຍທີ່ໂດດເດັ່ນຂອງນ້ອງ, ໂດຍບອກວ່າ ໃຫ້ນ້ອງໃສ່ຊຸດຫັດໆ ແລະ ເປີດເຜີຍໃຫ້ເຫັນໜ້າເອີກຫຼາຍຂື້ນ …ເພາະຈຸດນີ້ ຈະເຮັດໃຫ້ຜູ້ຊາຍ ຕ້ອງ ຖະຫວາຍຫົວໃຫ້ພຸ້ນລະ !!! (ວ່າໂພດ ເນາະ ) ໃນຄວາມເປັນຈິງນ້ອງ X ບອກວ່າ ເປັນຄົນທີ່ມີໜ້າເອີກໃຫຍ່ມາແຕ່ດົນ ..ແຕ່ເນືອງຈາກວ່າ ເປັນຄົນທ້ອງຖີ່ນ ຫ່າງໄກຊອກຫຼີກ ດັ່ງນັ້ນ ຈື່ງບໍ່ເຂົ້າໃຈວ່າ ຈຸດທີ່ໜ້າເອິກໃຫຍ່ ຈະເປັນຈຸດທີ່ດຶງດູດຜູ້ຊາຍ, ມີແຕ່ຜູ່ເຖົ້າເວົ້າໃຫ້ຟັງວ່າ ນົມໃຫຍ່ຈະລ້ຽງ ລູກໃຫຍ່ແຂງແຮງ,ນ້ອງບໍ່ເຄີຍຄຶດໃນເລື່ອງ ໃສ່ເຄື່ອງແບບ ຮັດໆ ເປິດແປນ ສະແດງໃຫ້ເຫັນໜ້າເອິກ … ໃນຄວາມເປັນຈິງແລ້ວ ນ້ອງ ເປັນຄົນ ບໍ່ມັກໃສ່ແບບຫຼ​ູຫຼ່າພາເພີນ ທັນສະໄໝ ຫຼື ໃສ່ຊຸດແບບ “ເຊັກຊີ” ທີ່ຫຼາຍຄົນນິຍົມ  ,ນ້ອງເປັນຄົນງ່າຍໆ ລຽບໆ ຕັ້ງແຕ່ຕອນເປັນນັກຮຽນມັດທະຍົມ ຈົນຮຽນຈົບ ແລະ ມາຢູ່ໃນວຽງຈັນໄດ້ ເກືອບ 5 ປີ ແນວຄິດນ້ອງບໍ່ເຄີຍປ່ຽນ ນ້ອງຄຶດຢາກມີຜູ້ຊາຍທີ່ສຸພາບ ເປັນຜູ້ໃຫຍ່ທີ່ບໍ່ເຫັນພຽງແຕ່ຄວາມປະທັບໃຈ ໃນຮ່່າງກາຍ ຂອງນ້ອງ ໂດຍສະເພາະເໜັ້ນໄປໃສ່  ໜ້າເອິກ… ເວົ້າຄວາມຕາມຄວາມຈິງ ຍ້ອນແນວນີ້ ລະ !!! ຈົນອາຍຸສໍ່ານີ້ ແລ້ວ ນ້ອງຍັງບໍ່ຕັດສີນໃຈ ມີແຟນ… ນ້ອງ X ບອກຜູ້ຂຽນວ່າ ບັນຫາທີ່ນ້ອງຖາມບໍ່ແມ່ນ ເລື່ອງຄວາມຮັກ ແຕ່ ກໍ່ຢາກຮູ້ວ່າ ນ້ອງປະຕິບັດຕົນແນວນີ້…ກໍ່ຖຶກບໍ່ ? ຫຼື ຕ້ອງປັບຕົວຕາມ ທີ່ໝູ່ຮຸ້ນນ້ອງແນະະນໍາ ເພື່ອໃຫ້ເຂົ້າກັບຮ່າງກາຍຂອງ ຕົນເອງ ຜູ້ຂຽນຄຶດວ່າຄວນເຮັດໃນສີ່ງທີ່ເຮົາສະບາຍໃຈ , ແລະ ສີ່ງດັ່ງກ່າວ ຈະບໍ່ມີຜົນກະທົບຕໍ່ຄົນອື່ນຖືວ່າແມ່ນດີທີ່ສຸດແລ້ວ , ຮ່່າງກາຍ ທີ່ເປັນທໍາຊາດ ຈະເອີ້ນວ່າ ໜ້າເອິກ ຫຼື ນົມໃຫຍ່ ກໍ່ແມ່ນເລື່ອງ  ກໍາມະພັນ ຫຼືສະລີລະວິທະຍາ ທີ່ສ້າງໃຫ້ເປັນແນວນັ້ນ ເຮົາມີຮ່າງກາຍທີ່ງົດງາມ, ໜ້າເອິກງາມ ໄດ້ຊວດຊົງ ກໍ່ຖືວ່າ ເປັນບຸນວາດສະໜາ ເພາະມີຜູ້ຍິງບາງຄົນ ຕ້ອງໄດ້ເສຍເງີນປັບປຸງເສີມແຕ່ງ ຫຼື ຜ່າຕັດ ຈົນເລືອດຕົກຢາງອອກ ເພື່ອເຮັດໃຫ້ຕົນເອງງາມ ດວ້ຍການເຮັດໃຫ້ ໜ້າເອິກໃຫຍ່ ດັ່ງນັ້ນ, ການທີ່ຈະອວດອ້າງເປິດເຜີຍ ໜ້າເອິກ ທີ່ເປັນຈຸດເດັ່ນຢູ່ແລ້ວ ໃຫ້ເດັ່ນຍິ່ງຂື້ນ ມັນກໍ່ເປັນສີ່ງໜື່ງທີ່ຜູ້ຍິງໃນຢຸກນີ້ ມີສິດທີ່ຈະເຮັດ ຕາມຄວາມນີຍົມກັນຂອງຍຸກສະໄໝ… ນ້ອງ X ບອກວ່າ ເລື່ອງຂອງໜ້າເອິກ ຫຼື ນົມ ບໍ່ກ່ຽວກັບເລື່ອງຄວາມຮັກ…ແຕ່ຜູ້ຂຽນຄຶດວ່າ ມັນອາດຈະເວົ້າໄດ້ຍາກເພາະ ຜູ້ຊາຍ ສວ່ນຫຼາຍຈະເບີ່ງ ຜູ້ຍິງໃນຂັ້ນຕອນທໍາອິດ ແມ່ນເລື່ອງຄວາມງາມຂອງຮູບຮ່າງໜ້າຕາ ແລະ ຜູ້ຍິງກໍ່ມັກແຕ່ງຕົວໃຫ້ງາມຢູ່ສະເໜີ ເພາະເຂົ້າໃຈ ວ່າ ຄວາມງາມ ແມ່ນບານບັນໃດ ທໍາອິດ ທີ່ ເຮັດໃຫ້ຜູ້ຊາຍສົນໃຈ ແລະກ້າວໄປເຖິງການມີຄວາມຮັກ … ດັ່ງນັ້ນ,ການ “ໂຊ” ໜ້າເອິກກໍ່ແມ່ນຈຸດໜື່ງ ທີ່ຜູ້ຍີງບາງກຸ່ມນິຍົມ ,ເພາະຈຸດນີ້ສາມາດສັ່ນຄອນຫົວໃຈຜູ້ຊາຍ ( ຜູ້ຊາຍນັກສະແຫວງຫາ ເນີ ) ຖ້ານ້ອງX ຕ້້ອງການປົກປິດບໍ່ຢາກ “ໂຊ” ຄືກັບຜູ້ຍິງຄົນອື່ນ …ມັນກໍອາດ ເປັນຈຸດໜື່ງທີເຮັດໃຫ້ຮ່າງກາຍທີງົດງາມຂອງນ້ອງ ນ້ອງມີຄຸນຄ່າເພີ່ມຂື້ນ…ເພາະສິ່ງທີ່ຖືກປົກປິດແມ່ນສີ່ງທີ່ຄົນຕ້ອງການຢາກເຫັນທີ່ສຸດ.ເອົາລະ !! ເຮັດແນວທີ່ນ້ອງປະຕິບັດ ຫັ້ນລະດີແລ້ວ !!! ມື້ໃດມື້ໜື່ງ ນ້ອງຈະຕ້ອງ ພົບພໍ້ກັບຜູ້ຊາຍໃນຈິນຕະນາການຂອງນ້ອງຢ່າງແນ່ນອນ… ​